Навіны

У Гародні сустрэліся журналісты з некалькіх рэгіёнаў Беларусі

У „Цэнтры гарадскога жыцця” ў Гародні адбылася сустрэча прадстаўнікоў філій Беларускай асацыяцыі журналістаў з розных рэгіёнаў Беларусі. Маладыя журналісты абмеркавалі планы супрацы, а таксама падзяліліся тэмамі, якія магчыма асвятляць журналісту ў розных рэгіёнах Беларусі.

Пра сустрэчу распавядае адзін з яе арганізатараў – журналіст са Слуцку Антон Сурапін:

– У першую чаргу такія сустрэчы патрэбныя для таго, каб падвысіць прафесійны досьвед журналістаў з рэгіёнаў. Сюды прыехалі людзі са Слоніма, з Баранавічаў, са Слуцку, гарадзенцы падыйшлі. І гэты абмен досьведам на такім нізавым роўні, я лічу, вельмі важны, бо звычайна на семінары ездзяць некалькі чалавек. А тут мы можам сабраць хоць усе філіі, можам 20-30 чалавек запрасіць.

Гарадзенская журналістка Ірына Новік лічыць, што падобныя сустрэчы вельмі патрэбныя для абмену досьведам:

– Цікава даведацца, што робяць калегі. Бо мы жывём у невялікіх гарадах. Для нас не падыходзяць сталічныя фарматы. І вельмі карысна падзяліцца досьведам. Нешта запазычым адзін у аднаго, падзелімся думкамі. Кожны ўзбагаціць сваё выданне.

Гарадзенскае спатканне журналістаў стала другім рэгіянальным спатканнем пасля Баранавічаў. Арганізатары спадзяюцца, што падобныя сустрэчы журналістаў пройдуць і ў іншых гарадах Беларусі.

Беларускае Радыё Рацыя, Гародня

Чытай больш на: http://www.racyja.com/hramadstva/u-garodni-zbiralisya-zhurnalisty-z-neka/

28.05.2017

Архіў

Красавік 2021
1234
567891011
12131415161718
19202122232425
2627282930

Відэа

праваабарончыя сайты