Навіны

Блогер Максім Філіповіч скардзіцца ў Следчы камітэт на міліцыю

Максім Філіповіч

Гомельскі блогер Максім Філіповіч 5 чэрвеня звярнуўся ў гарадскі Следчы камітэт з просьбай правесці праверку дзеянняў участковага Дзмітрыя Акуліча, паведамляе сайт gomelspring.org. Гамяльчук лічыць, што міліцыянт пачаў на яго незаконны адміністрацыйны працэс. Дзеянні старшага лейтэнанта міліцыі Філіповіч расцэньвае як пераслед і просіць пачаць на яго крымінальную справу за перавышэнне ўлады або службовых паўнамоцтваў.

Як раней распавядала Еўрарадыё, на Філіповіча склалі пратакол за "выраб і распаўсюд сродкаў масавай інфармацыі". Падставай сталі відэаролікі, выкладзеныя ім на Youtube. 

Гэтыя абвінавачанні блогер лічыць галаслоўнымі, бо міліцыянт не змог аргументаваць выстаўленыя прэтэнзіі, грунтуючыся на канкрэтных прадпісаннях закона.

Еўрарадыё таксама цікавілася ў міністра інфармацыі Лілі Ананіч, ці можна лічыць матэрыялы ў сацсетках прадукцыяй СМІ — чыноўніца адказала адназначна: не.

Юрыст Беларускай асацыяцыі журналістаў Леанід Судаленка мяркуе, што пераслед Філіповіча звязаны з крытыкай чыноўнікаў і становішча спраў у грамадстве. 

06.06.2017

Архіў

Лістапад 2019
123
45678910
11121314151617
18192021222324
252627282930

Відэа

праваабарончыя сайты