Навіны

Клуб маладых паэтаў Гародні запрашае ўсіх выцягваць з шуфляд вершы

«Пакалаенне Y» – такую назву атрымаў клуб маладых аматараў паэзіі, які 6-га чэрвеня пачаў сваю дзейнасць. Некалькі юнакоў і дзяўчат, якія жывуць у Гародні, вырашылі стварыць паэтычную тусоўку, дзе кожны ахвотны змог бы падзяліцца сваімі творамі, пачытаць любімыя вершы або проста прыйсці і паслухаць пра што піша новае пакаленне.

Як лічыць адзін з арганізатараў Артур Камароўскі, такая ініцыятыва павінна была паўстаць ужо даўно, бо шмат у каго дома пыляцца цікавыя творы, якія варта паказаць публіцы.

— Мы хацелі б даведацца пра тое, чым жыве моладзь, маладыя паэты, і таму нават назва у нас такая «Пакалаенне Y». Гэтыя людзі — нашы аднагодкі, мы адкрытыя да ўсіх, кожны можа прыйсці і пачытаць ці проста паслухаць. Няма ніякіх абмежаванняў па ўзросце. І нават назва — гэта проста прывязка да сённяшняга часу.

Наступная паэтычная сустрэча адбудзецца ў аўторак 13-га чэрвеня ў Цэнтры гарадскога жыцця а 19-й гадзіне.

Беларускае Радыё Рацыя, Гародня

Чытай больш на: https://www.racyja.com/kultura/klub-maladykh-paetau-garodni-zaprashae/

07.06.2017

Архіў

Лістапад 2019
123
45678910
11121314151617
18192021222324
252627282930

Відэа

праваабарончыя сайты