Навіны

Гальшанскі кляштар францішканаў

Дзівосны від на Гальшаны ўзнікае, калі едзеш з боку Трабаў – мястэчка пры набліжэнні нібыта вырастае з зямлі. Здалёк відаць барокавы касцёл і кляштар. Гэта архітэктурны комплекс даўняга ордэну францішканаў. Менавіта з ім звязана легенда пра замураваную ў сцяну кляштара маладую жанчыну, прывід якой час ад часу паказваецца людзям.

Першы будынак касцёлу пабудаваны ў пачатку 16 стагоддзя, у сярэдзіне таго ж стагоддзя перабудаваны ў кальвінскі збор. У 1618 годзе храм на сродкі Паўла Сапегі зноў перабудаваны ў касцёл. Тады ж збудаваны жылы корпус кляштару для манахаў. Пад касцёлам была крыпта. У 1770-ых гадах касцёл разабраны амаль да падмурку, на яго аснове збудаваны новы. А двух’ярусная званіца тут была ўзведзена ў 1810-ыя гады.

Кляштар быў скасаваны расейскімі ўладамі ў 1832 годзе. Сам касцёл заняпаў пасля другой сусветнай вайны, адноўлены толькі ў наш час і зараз служыць патрэбам вернікаў. У кляштары з 1989 года размяшчаўся філіял Нацыянальнага мастацкага музея Беларусі, потым з-за аварыйнага стану будынку яго зачынілі. Кляштар надалей патрабуе рэстаўрацыі.

У Гальшаны бальшыня людзей прыязджае паглядзець руіны старажытнага сапегаўскага замку, многія папросту абмінаюць кляштар, які ў самым цэнтры мястэчка. А між іншым яго варта і наведаць і абысці наўкола, каб убачыць усю адметнасць гэтага архітэктурнага комплексу. У нядаўні восеньскі прыезд у Гальшаны мы з сябрамі так і зрабілі.

20170701_18010520170701_18044820170701_18045820170701_18052920170701_18063620170701_18081920170701_18083520170701_18085920170701_18095120170701_18100820170701_18102220170701_18105420170701_18121720170701_18123920170701_18134720170701_181409

Уладзімір Хільмановіч, Беларускае Радыё Рацыя, фота аўтара

Чытай больш на: https://www.racyja.com/vandrouki/galshanski-klyashtar-frantsishkanau/

29.10.2017

праваабарончыя сайты