Навіны

У Гародні віншуюць з Новым годам усіх, акрамя…беларусаў (фотафакт)

Адна з цэнтральных плошчаў гораду над Нёманам, якая мае імя Леніна, ужо ўпрыгожана пад Новы год. Сярод іншага на адным з вялікіх плакатаў змешчаны Дзед Мароз з віншаваннем ажно на чатырох мовах. Тэкст гэты напісаны па-расейску, па-ангельску, па-польску і па-літоўску. Толькі мове тытульнай нацыі – беларускай – на гэтым віншаванні не знайшлося месца.

Ні то адпаведная служба гораду зрабіла так наўмысна, ні то канкрэтным распрацоўнікам і выканаўцам плакату забракла мазгоў, але ў кожным разе такое віншаванне ёсць абразай для ўсіх беларусаў, што прыязджаюць альбо жывуць у Гародні.

Плакат размешчаны якраз паміж аблвыканкамам і гарвыканкамам, побач штодзень тут праходзіць процьма чыноўнікаў, але ніхто з іх не звярнуў дагэтуль увагі на такое публічнае хамства.

Ладзік Майніч, Беларускае Радыё Рацыя

Чытай больш на: https://www.racyja.com/hramadstva/u-garodni-vinshuyuts-z-novym-godam-usikh-a/

19.12.2017

Відэа

праваабарончыя сайты