Навіны

У Марачоўшчыне адзначылі дзень народзінаў Касцюшкі

У Косаве Івацэвіцкага раёна адбылося традыцыйнае ўшанаванне Тадэвуша Касцюшкі з нагоды 272 угодкаў з дня народзінаў нацыянальнага героя.

Святкаванне пачалося з  імшы ў Троіцкім касцёле Косава.  У гэтым касцёле ёсць мемарыяльная шыльда з інфармацыяй  пра тое, што тут у 1746 годзе быў ахрышчаны Тадэвуш Касцюшка.

Імпрэза працягнулася ў музеі-сядзібе Касцюшкі ў Марачоўшчыне. У свяце прынялі ўдзел дыпламаты ЗША, Польшчы, Швейцарыі, Украіны, прадстаўнікі грамадскіх арганізацый Беларусі і Польшчы. Украіна заўсёды памятае Касцюшку, кажа консул Украінскага консульства ў Берасці Віталь Пантус:

– Штогод прыязджаем на гэтыю імпрэзу, каб аддаць даніну павагі выбітнаму і беларусу, і чалавеку, які зрабіў шмат для іншых дзяржаў свету. Украіна таксама памятае Тадэвуша Касцюшку.

Аляксандр Сахарук, Берасце:

– Спадабалася тое, што ў гэтай сядзібе вольны дух. Тадэвуш Касцюшка змагаўся за беларусаў. Быў вольным чалавекам і хацеў, каб Беларусь была вольнай і незалежнай дзяржавай.

У святкаванні прынялі ўдзел больш за 200 чалавек. Актывісты з Берасця і Кобрыня на чале з Алесем Мехам ушанавалі Касцюшку аўтапрабегам. Ён пачаўся з Сяхновічаў (Жабінкаўскі раён), дзе ёсць яшчэ адзін музей Тадэвуша Касцюшкі. Заехалі  ў Крупчыцы – месцы знакамітай бітвы ўдзельнікаў паўстання з расейскімі войскамі. Затым прыбылі ў Марачоўшчыну. 

DSC_1018DSC_1025DSC_1037DSC_1044DSCN9994IMG_1070IMG_1073IMG_1074IMG_1079IMG_1081IMG_1092IMG_1099IMG_1101IMG_1114IMG_1115IMG_1116IMG_1120IMG_1121IMG_1124IMG_1134IMG_1137IMG_1143IMG_1144IMG_1159IMG_8095IMG_8105

Беларускае Радыё Рацыя

Чытай больш на: https://www.racyja.com/hramadstva/u-marachoushchyne-adznachyli-dzen-narod/

05.02.2018

Архіў

Жнівень 2018
12345
6789101112
13141516171819
20212223242526
2728293031

Відэа

праваабарончыя сайты