Навіны

Праца грамадскай ініцыятывы „Гародня” прыносіць вынікі

Кіраўнік грамадскай ініцыятывы “Гародня” Анатоль Мышкевіч кажа, што праца іх ініцыятывы пачала прыносіць вынікі ўжо праз пару месяцаў. Толькі ў пачатку траўня стала вядома пра працы па асвятленні смеццевых кантэйнераў на Індурскай шашы ў Гародні:

– Прыносіць плёны праца нашай ініцыятывы, якая ладзілася ў канцы мінулага года. Мы тады яшчэ збіралі подпісы ў людзей за тое, каб дадатковым асвятленнем абсталявалі кантэйнерныя пляцоўкі для раздзельнага збору смецця. У цёмны перыяд, калі людзі ідуць і вяртаюцца з працы, то яшчэ цёмна, да кантэйнераў і пляцовак не падысці. Хтосьці можа неакуратна выкінуць смецце, бяздомныя часта адпады збіраюць. Патрэбна асвятленне, каб ніхто траўмы не атрымліваў, каб было бачна куды шкло, куды харчовыя адпады, куды паперу.

Для кіраўніка ініцыятывы вельмі важна, што да іх звяртаецца вялікая колькасць гарадзенцаў і ўлады рэагуюць на звароты:

– Цяпер ужо дзве кантэйнерныя пляцоўкі на Індурскім шасэ абсталяваныя асвятленнем і людзі могуць бачыць, куды выкідаць. Дзякуй, што адрэагавалі, усё зрабілі. Будзем далей працаваць, паляпшаць жыццё ў нас на Вішняўцы. Таксама будзем працаваць са зваротамі грамадзян і дапамагаць вырашаць праблемы ў іншых мікрараёнах.

Па словах Анатоля Мышкевіча, ініцыятыва будзе працягваць працаваць са зваротамі грамадзян.

Беларускае Радыё Рацыя, Гародня

Чытай больш на: https://www.racyja.com/hramadstva/gramadskaya-initsyyatyva-garodnya-pryno/

08.05.2018

Відэа

праваабарончыя сайты