Навіны

У Гародні будуць судзіць затрыманых актывістаў АГП

У Гародні чакаецца суд над брутальна затрыманымі 3 ліпеня актывістамі АГП – Мікалаем Салянікам і Аляксандрам Лаўрэнцьевым.

З падрабязнасцямі – наш гарадзенскі калега Якуб Сушчынскі:

– Сталі вядомы акалічнасці, паводле якіх абвінавачваюць двух сяброў АГП. Гэта «арганізацыя і правядзенне масавага мерапрыемства». Матэрыялы справы яшчэ не занесены ў Кастрычніцкі суд Гародні. Вядома толькі, што пасля 2 гадзін гэтыя матэрыялы справы там акажуцца. Калі адбудзецца суд над грамадскімі актывістамі – пакуль невядома. Цяпер сярод сведкаў (а іх каля 5 чалавек) ёсць жадаючыя далучыцца і даць паказанні па матэрыялах справы, каб ужо падчас судовага пасяджэння стала вядома, парушалі ці не парушалі закон прадстаўнікі праваахоўных органаў, якія без прад’яўлення абвінавачання і без уніформы жорстка затрымалі і адправілі ў пастарунак двух грамадскіх актывістаў.


04.07.2018

Архіў

Відэа

праваабарончыя сайты