Навіны

“Лідская газета” перадрукоўвае артыкулы з прарасейскіх чарнасоценных сайтаў

“Лідская газета” рэгулярна друкуе на сваіх старонках матэрыялы з прарасейскіх чарнасоценных сайтаў. Штотыдзень на яе старонках з’яўляюцца матэрыялы пра беларускую грамадскую супольнасць, грамадскіх актывістаў, незалежныя СМІ.

Апошні з такіх артыкулаў з элементамі абразы беларускай мовы і яе носьбітаў, які з’явіўся на мінулым тыдні, за аўтарствам Антона Быстрыцкага, стаў падставай для звароту ў мясцовы РАУС, пракуратуру і Міністэрства інфармацыі аб недапушчальнасці такіх дзеянняў з боку рэдакцыі.

Тлумачыць намеснік старшыні Таварыства беларускай мовы і кіраўнік Лідскай суполкі таварыства – Станіслаў Суднік:

– Сам па сабе артыкул – пасквіль у стылі гадоў так 50 таму, які не абапіраючыся ні на якую рэальную сітуацыю, бэсціць усё беларускае. І ў тым ліку дзеячоў ТБМ. Падобныя артыкулы тут з’яўляюцца рэгулярна. Таму што “Лідская газета” з рэальнай “Лідскай газеты” ператварылася ў антыдзяржаўны і антынацыянальны лісток. Гэта значыць, адбылася поўная русіфікацыя гэтай газеты, а дзякуючы гэтым артыкулам Антона Быстрыцкага яна набыла выразнае чарнасоценнае адценне.

Па словах Станіслава Судніка, у Лідскім райвыканкаме сітуацыю, якая склалася вакол “Лідскай газеты”, ведаюць і са свайго боку прымаюць меры па яе вырашэнні. У сваю чаргу, грамадскія актывісты з Лідчыны патрабуюць разгляду гэтай справы праз суд, каб рэдакцыя патлумачыла, чаму яны перадрукоўваюць на сваіх старонках такія артыкулы.

Андрэй Панямонаў, Беларускае Радыё Рацыя, Ліда

Чытай больш на: https://www.racyja.com/hramadstva/lidskaya-gazeta-peradrukouvae-art/

07.07.2018
Крыніца: Беларускае Радыё Рацыя

Архіў

Відэа

праваабарончыя сайты