Навіны

Прафсаюз РЭП супраць дэкрэта №29

Прафсаюз радыёэлектроннай прамысловасці і іншых галін народнай гаспадаркі супраць узаконьвання дэпутатамі Палаты прадстаўнікоў дэкрэта №29. Па гэтым дэкрэце ў краіне з’явіўся кабальны працоўны кантракт, які стварыў для рабочых рабскія ўмовы. Ёсць рэальная пагроза, што палажэнні часовага дакумента, якім з’яўляецца дэкрэт, набудуць пастаянны характар.

Дэпутаты будуць разглядаць пытанне юрыдычнага замацавання кантракта праз працоўны кодэкс 2 кастрычніка, кажа старшыня Берасцейскага абласнога прафсаюза РЭП Зінаіда Міхнюк:

– І наша заканадаўства аб працы будзе самае рабскае не толькі на постсавецкай прасторы, але ледзь не ва ўсім свеце, адно з найгоршых.

У Берасці прайшоў сход прафсаюзнага актыву РЭП, на якім абмеркаваліся захады па інфармаванні рабочых пра маючы адбыцца антыканстытуцыйны акт з боку дэпутатаў, гаворыць кіраўнік суполкі прафсаюза РЭП у Бярозе Таццяна Тарасевіч:

– Я буду інфармаваць пра гэта, бо людзі пра гэта не ведаюць.

Чалец прафсаюза з Баранавіч:

– Я спадзяюся, што кіраўніцтва прафсаюза з Менска будзе інфармаваць нас праз наш бюлетэнь «Рабочая салідарнасць». У Баранавічах мы бдзем раздаваць людзям, клеіць на прыпынках.

Паводле актывістаў, часу засталося зусім няшмат. З боку ўлады ўсё рабілася таемна. Таму пра іх намеры і планы даведаліся досыць позна. Але трэба зрабіць усё магчымае, каб інфармацыя стала вядома людзям па ўсёй краіне і дэпутаты задумаліся: рабіць ці не рабіць злачынны выбар.

Беларускае Радыё Рацыя

Чытай больш на: https://www.racyja.com/hramadstva/prafsayuz-rep-suprats-dekreta-%e2%84%9629/

20.09.2018
Крыніца: Беларускае Радыё Рацыя

Архіў

Кастрычнік 2018
1234567
891011121314
15161718192021
22232425262728
293031

Відэа

праваабарончыя сайты