Навіны

Мікалая Саляніка аштрафавалі на 35 базавых велічынь (фота)

26 лістапада ў Гародні ў судзе Ленінскага раёна ўрэшце адбыўся судовы адміністрацыйны працэс у дачыненні да старшыні Гарадзенскай абласной арганізацыі АГП Мікалая Саляніка.

Яго судзілі за святочны перформанс 7 лістапада, калі Салянік разам з іншым грамадскім актывістам Аляксандрам Лаўрэнцьевым выйшлі на плошчу Леніна з плакатам "Долой самодержавие!". Абодва былі затрыманыя. У дачыненні актывістаў былі складзены пратаколы пра нібыта адміністрацыйныя правапарушэнні. Лаўрэнцьеў правёў больш сутак у ІЧУ і пазней быў засуджаны суддзём Русланам Гурыным да 30 базавых велічынь штрафу. Мікалай Салянік доўгі час быў у шпіталі, паколькі мае сардэчнае захворванне.

Гэты суд павінен быў адбыцца яшчэ 22 лістапада, аднак тады Мікалай Салянік прыйшоў на паседжанне ў турэмнай паласатай робе з металёвым ашыйнікам і прыкутым ланцугом, на канцы якога была цяжкая калодка. Суддзя Руслан Гурын тады адмовіўся праводзіць паседжанне, не пусціў Саляніка ў судовую залю і перанёс разгляд на 26 лістапада.

На гэты раз Мікалай Салянік прыйшоў у гарнітуры і пад гальштукам. Але і на гэты раз ён паламаў звыклы карны судовы спектакль.

На пачатку суддзя беспадстаўна пачаў выдаляць некаторых прысутных на працэсе. Пасля гэтага амаль усе прысутныя, якія прыйшлі падтрымаць Мікалая Саляніка, пакінулі залу. Гэта ж хацеў зрабіць і Салянік, але суддзя заявіў, што аштрафуе яго дадаткова за непавагу да суду. Мікалай Салянік застаўся, выступіў, а пасля на знак пратэсту закруціў сабе рот празрыстым скочам. Тады Руслан Гурын выдаліў Саляніка з залы. "Разгляд" справы працягнуўся без яго.

Выдаленыя з залы наісалі скаргі на дзеянні суддзі Гурына на имя старшыні суда Ленінскага раёну Наталлі Собалевай.

На працэсе быў прадстаўнік УУС Вадзім Налівайка. Сведкам выступаў Аляксандр Вінаградаў, адзін з тых міліцыянтаў, што затрымлівалі сілай Мікалая Саляніка. Іншы міліцыянт-сведка Аляксандр Чаплюк у суд не з'явіўся.

У выніку Руслан Гурын аштрафаваў Мікалая Саляніка па двух артыкулах КаАП - 23.4 і 23.34, частка 3 агулам на 35 базавых велічынь (5 за непадпарадкаванне патрабаванням міліцыі і 30 за несанкцыянаваную акцыю).

27.11.2018

Архіў

Сьнежань 2018
12
3456789
10111213141516
17181920212223
24252627282930
31

Відэа

праваабарончыя сайты