Навіны

Польшча дапаможа беларусам спрасціць уезду ў Еўразвяз

Польшча гатовая спрыяць спрашчэнню ўезду грамадзян Беларусі ў Еўразвяз.

Пра гэта паведаміла намеснік міністра ўнутраных спраў і адміністрацыі Польшчы Рэната Шчэнх пасля заканчэння пасяджэння беларуска-польскай міжурадавай камісіі па справах трансгранічнага супрацоўніцтва, якое адбылося ў Менску.

Рэната Шчэнх адзначыла, што паглыбленне адносін паміж Беларуссю і Польшчай будзе спрыяць рэалізацыі новых вельмі важных праектаў па развіцці памежнай інфраструктуры, што таксама павысіць эканамічны і турыстычны патэнцыял прыгранічных рэгіёнаў.

Рэната Шчэнх падзякавала беларускаму боку за лібералізацыю і спрашчэнне візавага рэжыму: «Мы — урад Польшчы — са свайго боку дэкларуем гатоўнасць да такога ж спрашчэнні для ўезду грамадзян Беларусі на тэрыторыю Еўрапейскага саюза»

У сваю чаргу намеснік кіраўніка МЗС Беларусі Яўген Шастакоў заявіў, што Менск разлічвае на падтрымку Варшавы ў працэсе перамоваў з Брусэлем па пытанні хутчэйшага заключэння пагаднення аб спрашчэнні візавых фармальнасцей і рэадмісіі: «Мы на працягу апошніх гадоў паслядоўна спрашчаем парадак уезду на сваю тэрыторыю для грамадзян больш за 80 краін, уключаючы краіны ЕЗ і, натуральна, Польшчу», — падкрэсліў намеснік міністра.

novychas.by

Чытай больш на: https://www.racyja.com/palityka/polshcha-dapamozha-belarusam-sprastsits/

09.12.2018
Крыніца: Беларускае Радыё Рацыя

Відэа

праваабарончыя сайты