Навіны

Будучыня за моладдзю? На Смаргоншчыне прайшоў форум “Эпідэмія лідарства”

За кім будучыня? Пытанне няпростае. На яго паспрабавалі адказаць удзельнікі моладзевага форуму, які прайшоў у аграгарадку Залессе Смаргонскага раёна.

Менавіта тут, у музеі-сядзібе М. К. Агінскага прайшло цікавае мерапрыемства, якое сабрала гасцей з Беларусі і з-за мяжы (Польшча і Латвія). Арганізатарам выступіў Смаргонскі мясцовы дабрачынны фонд “Паўночныя Афіны М. К. Агінскага” (дырэктар – Ала Шыцікава).

Пра праблемы жыцця ў вёсцы і працу з моладдзю распавядае Эдуард Вайцяховіч (бізнэс-інкубатар у Камарова):

– Урбанізацыя моцна ўплывае на наша жыццё. Моладзь з’язджае з вёскі… Ужо кожны чацверты беларус жыве ў горадзе, і гэты горад адзін – Менск! Тым часам Беларусь – вялікая краіна. Мы павінны імкнуцца жыць прыгожа, напоўнена… Моладзь трэба зацікавіць. Усе нашы праекты скіраваныя на самазанятасць моладзі, як і апошні – “Развіццё прадпрымальніцтва шляхам стварэння бізнэс-інкубатара”.

Размовы пра пажылых людзей і маладых, жыццё ў правінцыі, бізнэс, устойлівае развіццё і мясцовае самакіраванне – гэта цудоўна, але ў фінале сустрэчы не абышлося без музыкі. Месца правядзення імпрэзы падштурхнула? Вера Міхайлава выканала раманс на музыку М. К. Агінскага “Мілая хаціна”.

1_новый размер2_новый размер3_новый размер4_новый размер5_новый размер6_новый размер7_новый размер8_новый размер

 

Дар’я Ліс для Беларускага Радыё Рацыя, Смаргонскі раён

Чытай больш на: https://www.racyja.com/hramadstva/buduchynya-za-moladdzyu-na-smargonshchyne/

24.12.2018
Крыніца: Беларускае Радыё Рацыя

Відэа

праваабарончыя сайты