Навіны

У 2020-м універсітэт Гілевіча адчыніць свае дзверы

Прыватны ўніверсітэт імя Ніла Гілевіча пачне паўнавартасную працу ў 2020 годзе. Ініцыятары стварэння гэтага беларускага ўніверсітэта сустрэліся з гарадзенскай публікай у творчай прасторы „Цэнтр гарадскога жыцця”. Алег Трусаў і Павел Церашковіч пазнаёмілі з ідэяй гэтай навучальнай установы, а таксама расказалі пра яго гадавую гісторыю і планы на найбліжэйшы час. Пра інавацыі ўніверсітэта, які не будзе калькай дзяржаўных устаноў, сказаў Павел Церашковіч.

– Гэтыя праграмы, што мы выбіраем, адпавядаюць часу. Па-другое, мы ўзялі за правіла, што ўсе нашы студэнты будуць вывучаць дзве замежныя мовы. І гэта абавязкова. Дарэчы, сёння гэта патрабаванне Сарбонскай дэкларацыі, якая патрабуе ад усіх універсітэтаў Еўропы, што знаходзяцца ў Балонскім працэсе, каб усе студэнты вывучалі дзве замежныя мовы. Другі прынцып – блок дысцыплін «Уводзіны ў прадпрымальніцтва».

Сюды ўвойдуць таксама „Уводзіны ў менеджмент”, „Уводзіны ў маркетынг”, „Уводзіны ў бухгалтарскі ўлік”. Патрэба ў такіх прадметах, на думку Паўла Церашковіча, выклікана звужэннем рынку працы з прычыны развіцця новых тэхналогіяў. І такія ўменні дадуць магчымасць выпускніку ўніверсітэта стварыць сабе месца працы. 

20190311_19072020190311_19125720190311_19131120190311_19404520190311_19461820190311_19501120190311_19593920190311_20011520190311_20041220190311_200436

Якуб Сушчынскі, Беларускае Радыё Рацыя, Гародня

Фота аўтара

Чытай больш на: https://www.racyja.com/hramadstva/u-2020-m-universitet-gilevicha-adchynits-sv/

12.03.2019
Крыніца: Беларускае Радыё Рацыя

Архіў

Відэа

праваабарончыя сайты