Навіны

Гарадзенскія дзеткі і бацькі віталі пісьменнікаў-землякоў

У Цэнтры гарадскога жыцця ў Гародні дзеткі і іх бацькі сустрэліся з творчымі людзьмі Гарадзеншчыны. Шчыра віталі прысутныя паэтак і пісьменнікаў Алу Петрашкевіч, Алу Нікіфорскую, Галіну Самойлу, Сяргея Чыгрына і Міхася Зізюка.

Кіраўнік Гарадзенскага аддзялення Саюза беларускіх пісьменнікаў Валянцін Дубатоўка пазнаёміў гарадзенцаў з літаратарамі і даў кожнаму выступіць. Госці распавядалі дзецям і дарослым казкі, загадкі, праводзілі розныя конкурсы. Вядома ж у гэты дзень, усе змаглі пазнаёміцца з кнігамі пісьменнікаў, з новымі літаратурнымі творамі, а таксама з планамі на будучае.

Мастак Алесь Сураў дапоўніў літаратараў сваім мастацкім урокам. Ён навучыў, як прыгожа і хутка можна намаляваць Ў нескладовае, а таксама іншыя літары беларускага алфавіта.

Дзеткі разам з мастаком паўтаралі тое, што ён маляваў. Усе прысутныя ў гэты дзень змаглі набыць сабе кнігі і сфатаграфавацца на памяць.

IMG_5753IMG_5757IMG_5759IMG_5760IMG_5762IMG_5764IMG_5769IMG_5770IMG_5771IMG_5773IMG_5774IMG_5777IMG_5781IMG_5783IMG_5784IMG_5789

Барыс Баль, Беларускае Радыё Рацыя, Гародня, фота аўтара

Чытай больш на: https://www.racyja.com/kultura/garadzenskiya-dzetki-i-batski-vitali-p/

24.03.2019
Крыніца: Беларускае Радыё Рацыя

Відэа

праваабарончыя сайты