Навіны

Класкоўскі: Гэта выклік і для Лукашэнкі, і для Беларусі

Аляксандру Лукашэнку ў Крамлі маглі прапанаваць пасаду прэм’ер-міністра аб’яднанай дзяржавы Беларусі і Расеі.

Пра гэта ў эфіры маскоўскай радыёстанцыі “Серебряный дождь” паведаміў расейскі журналіст Мікалай Сванідзэ. Прытым ён спаслаўся на крыніцу ў «высокіх менскіх сферах».

Беларускі палітолаг Аляксандар Класкоўскі не выключае, што такая прапанова сапраўды магла паступіць. Такім чынам, Уладзімір Пуцін хоча працягнуць свае паўнамоцтвы пасля 2024 года як прэзідэнт беларуска-расейскага саюзу.

-Для Лукашэнкі тут галоўнае, што няма ніякіх гарантый. Сёння ты атрымліваеш пасаду прэм’ера ці губернатара, або яшчэ нейкую, а заўтра ты можаш апынуцца ў кайданках. Нават з меркаванняў самазахавання, асабістай бяспекі і таксама бяспекі сваёй сям’і, я думаю, што ён будзе ўпірацца да апошняга.

Класкоўскі зазначае, што ён не прыхільнік таго, каб казаць, што ўсё выглядае фатальна й Беларусь асуджаная на паглынанне Расеяй. Але гэта драматычны момант, гэта выклік і для Лукашэнкі, і для Беларусі.

Стас Дадэрка, Беларускае Радыё Рацыя

Фота Reuters

Чытай больш на: https://www.racyja.com/palityka/klaskouski-geta-vyklik-i-dlya-lukashenk/

30.04.2019
Крыніца: Беларускае Радыё Рацыя

Архіў

Лістапад 2019
123
45678910
11121314151617
18192021222324
252627282930

Відэа

праваабарончыя сайты