Навіны

"Наша задача – растлумачыць, што гэта за артыкул 328". У Мінску прайшоў першы дазволены мітынг за "наркатычную" рэформу

У Кіеўскім скверы ў Мінску 30 траўня ў 14.00 пачаўся мітынг руху "Маці 328" за змякчэнне пакарання па "наркатычных" артыкулах. Гэта першае санкцыянаванае мерапрыемства, якое атрымалася арганізаваць у выніку двухгадовых спробаў.

Лідарка «Маці 328» Ларыса Жыгар адзначае, што за ўвесь час існавання руху праведзена велізарная праца і ўжо дасягнуты некаторыя вынікі:

“Мамы былі ў Палаце прадстаўнікоў: законапраект ужо праходзіць апошнія ўзгадненні з усімі структурамі і дзесьці ў сярэдзіне чэрвеня будзе вынесены на ўзгадненне ў другім чытанні. Адзіная папраўка, якой мы дамагаемся – гэта зніжэнне ніжняй планкі тэрміну па часткам  2 і 3 артыкула 328 Крымінальнага кодэкса на 2 гады. Як яно адаб'ецца на нашых дзецях? Мы не ведаем пакуль. Хоць ёсць яшчэ і чацвёртая частка, дзе многія хлопцы сядзяць несправядліва асуджанымі".

miting_328_9.jpg
Ларыса Жыгар, лідарка руху "Маці-328"

 

Па словах Ларысы Жыгар, многія дзеці трапілі пад частку 4 арт. 328 з-за сувязі з інтэрнэт-крамай, дзе яны хацелі падпрацаваць кур'ерамі. Большасць з асуджаных па гэтым артыкуле з'яўляюцца непаўналетнімі.

Маці задалі пытанне уладам: чаму дзяржава не робіць ніякай сацыяльнай палітыкі, накіраванай на папярэджанне падлеткаў ад удзелу ў інтэрнэт-крамах? Многія хлопцы хацелі зарабіць, але не ўсведамлялі сур'ёзнасць адказнасці. У рамках беларускага заканадаўства удзел у інтэрнэт-краме па продажы наркатычных рэчываў трактуецца як "дзеянні, учыненыя арганізаванай групай" (ч. 4 арт. 328 КК), а абвінавачаныя караецца тэрмінам ад 10 да 20 гадоў.

Выступоўца Ліяна Шуба зачытала зварот, якое ўжо зарэгістравалі ў Палаце прадстаўнікоў і Савеце міністраў. У ім былі сабраныя подпісы за тое, каб усе дзяржаўныя органы ўзгаднілі разгляд паправак у артыкул 328 ва ўстаноўлены законам тэрмін.

“Раней дэпутаты неаднаразова заяўлялі, што папраўкі ў артыкул 328 не прымаюцца з-за пярэчанняў МУС і Вярхоўнага суду. Аднак гэтыя органы не з'яўляюцца суб'ектамі заканадаўчай ініцыятывы", – адзначыла Ліяна Шуба.

Фото ПЦ

Таццяна Канеўская прызналася, што для яе быў шокам дазвол уладаў на правядзенне санкцыянаванага мерапрыемства.

“Наша задача сёння – растлумачыць, што гэта за артыкул 328, і якім чынам туды [у турму - заўв. рэд.] трапляюць нашы дзеці", – падкрэсліла Таццяна.

Яна плануе заявіць пра свой удзел ў маючых адбыцца парламенцкіх выбарах і просіць падтрымаць яе.

З прамовай выступіў актывіст Legalize Belarus Стас Шашок. Ён прапанаваў адмяніць крымінальную адказнасць для спажыўцоў, так як нарказалежнасць – гэта хвароба, а хворым людзям варта дапамагаць. Нават у Расеі, Украіне, Кахастане, Кіргізіі, па словах Стаса, няма такой адказнасці.

"Прычына залежнасці заключаецца не ў самым рэчыве, а ў шэрагу фактараў: няздольнасьць рэалізавацца, немагчымасць знайсці сацыяльныя сувязі, знешнеэканамічная сітуацыя", – резюміраваў Стас Шашок.

У 16.00, як і планавалася, мітынг завяршыўся.

Па неафіцыйных дадзеных, у Беларусі цяпер каля 15000 чалавек адбывае пакаранне па артыкуле 328.

Прапануем дакументальны фільм "Наркатызацыя і аўтарытарызм", які распавядае пра ўмовы ўтрымання асуджаных па "антынаркатычным" заканадаўстве ў Беларусі.

 

 

http://spring96.org/be/news/93073

Архіў

Жнівень 2019
1234
567891011
12131415161718
19202122232425
262728293031

Відэа

праваабарончыя сайты