Навіны

Яшчэ адзін вайсковец скончыў жыццё самагубствам

У Мазырскім пагранатрадзе 20 лістапада ў дзве гадзіны ночы быў знойдзены труп вайскоўца тэрміновай службы з прыкметамі суіцыду, паведамляе Дзяржаўны пагранічны камітэт.

Адзначаецца, што яфрэйтар тэрміновай службы 1999 года нараджэння быў прызваны ў органы пагранічнай службы ў лістападзе 2018 года. Службу праходзіў у Мазырскім пагранічным атрадзе. Характарызаваўся станоўча. Меў заахвочванні ад камандавання часткі, у тым ліку падзяку за разумную ініцыятыву і стараннасць, праяўленыя пры нясенні службы, рашучыя дзеянні па выяўленні і затрыманні парушальніка мяжы, а таксама высокія паказчыкі па службе за III квартал 2019 года.

„З асабістых гутарак устаноўлена, што пасля тэрміновай ваеннай службы планаваў застацца на ваенную службу па кантракце. У лістападзе бягучага года прыбыў з асноўнага адпачынку, які праводзіў дома”, — гаворыцца ў паведамленні Дзяржпагранкамітэта. 

Расследаваннем здарэння займаецца Следчы камітэт, які ўсталёўвае прычыны і абставіны трагедыі.

Камандаванне Дзяржпагранкамітэта выказвае спачуванні родным і блізкім ваеннаслужачага.

БелаПАН

Чытай больш на: https://www.racyja.com/hramadstva/yashche-adzin-vajskovets-skonchyu-zhytstsyo/

20.11.2019
Крыніца: Беларускае Радыё Рацыя

Архіў

Сьнежань 2019
1
2345678
9101112131415
16171819202122
23242526272829
3031

Відэа

праваабарончыя сайты