Навіны

10 снежня – Дзень правоў чалавека

10 снежня ў 1948 годзе Генеральная Асамблея ААН прыняла Ўсеагульную дэкларацыю правоў чалавека. Менавіта таму штогод 10 снежня адзначаецца Дзень правоў чалавека.

Кажа Андрэй Палуда, праваабаронца ПЦ “Вясна”:

– Тады на такім міжнародным узроўні было зафіксавана важнасць увогуле чалавека як суб’екта і важнасць ягоных правоў. Што датычна важнасці на сённяшні дзень, яно застаецца таксама, бо гэта пытанне праблемы правоў чалавека ва ўсім свеце застаецца вельмі актуальным. У адных краінах гэта ў большай ступені, у іншых – у меншай. Калі ёсць такі дзень – гэта магчымасць яшчэ больш актуалізаваць, звярнуць увагу, пагаварыць пра правы чалавека.

Таму праваабарончая супольнасць ладзіць 10 снежня шэраг мерапрыемстваў. У Менску на пляцоўцы Тэрыторыя правоў у 15.00 адкрыецца выстава, прысвечаная смяротнаму пакаранню. Акрамя гэтага адбудзецца ўручэнне адразу дзвюх прэмій у галіне правоў чалавека:

• Нацыянальная прэмія за дасягненні ў галіне правоў чалавека

• Прэмія імя Францішка Аляхновіча за найлепшы твор, напісаны ў зняволенні.

А ў Магілёве з гэтай нагоды запланаваны Тыдзень правоў чалавека. Больш падрабязней пра ўсе гэтыя падзеі можна даведацца на сайце ПЦ “Вясна”.

Беларускае Радыё Рацыя

Чытай больш на: https://www.racyja.com/hramadstva/10-snezhnya-adznachaetstsa-dzen-pravou-chala/

09.12.2019
Крыніца: Беларускае Радыё Рацыя

Відэа

праваабарончыя сайты