Навіны

Дыскусія пра смяротнае пакаранне ў Смаргоні

8 лютага ў Смаргоні адбылася дыскусія пра смяротнае пакаране, прагляд фільму “Мы супраць смяротнага пакарання”, адчынілася выстава, якая складаецца з дзвюх частак: фотапраекта “Вышэйшая мера пакарання” беларускага фотажурналіста Сяргея Балая і серыі малюнкаў Джорджа Батлера “Апошні кат Еўропы”.

Каардынатар кампаніі “Праваабаронцы супраць смяротнага пакарання“ Андрэй Палуда адзначыў, што смяротнае пакаранне ў нашай краіне ў значнай ступені з’яўляецца спадчынай Савецкага Саюза.

Пад час дыскусіі мастак са Смаргоні Валянцін Варанішча эмацыйна выказаў рэлігійны аргумент супраць смяротнага пакарання: “Выканаўца смяротнага прысуду, здзяйсняе працу сатаны. Ніхто з людзей не можа забіраць жыццё ў чалавека, якое даў Бог”.

Удзельнікі дыскусіі шукалі адказы на пытанні: ці можна лічыць забойцам таго, хто націскае на курок пісталета паводле прысуду, ці зможа заўзяты прыхільнік смяротнага пакарання сам выканаць прысуд?
Беларускае Радыё Рацыя

Архіў

Красавік 2020
12345
6789101112
13141516171819
20212223242526
27282930

Відэа

праваабарончыя сайты