Навіны
Шчучынская міліцыя прабачылася перад Мікалаем Салянікам
Грамадска-палітычны актывіст Мікалай Салянік паведаміў, што ўпершыню ў яго "апазіцыйным жыцці" прадстаўнікі міліцыі склалі яму свае прабачэнні.
Яшчэ 11 сакавіка Мікалая Саляніка на дарозе Гародня-Ліда спынілі супрацоўнікі ДАІ Шчучынскага раёну. Імі кіраваў капітан міліцыі Юрый Межва. Спынілі Саляніка зусім беспадстаўна і трымалі гадзіну часу для таго каб Мікалай Салянік не трапіў у Ліду на грамадска-палітычнае мерапрыемства.
24 сакавіка на паседжанні камісіі па разглядзе справы пра нібыта адміністрацыйнае правапарушэнне з боку Мікалая Саляніка высветлілася, што ён нічога не парушаў. У выніку супрацоўнікі МУС папрасілі ў яго прабачэння.
Мікалай Салянік адзначае такі беспрэцэдэнтны выпадак і падкрэслівае, што такія прабачэнне складзены яму ўпершыню за ўвесь час яго грамадска-палітычнай дзейнасці.
