Гарадзенская вясна

Каляндар круглых і юбілейных датаў Гарадзеншчыны на чэрвень 2020  году

1 чэрвеня

Міжнародны дзень абароны дзяцей.

50 гадоў таму (1970) – У Каўнасе памёр Тадэвуш Іваноўскі (Тадас Іванаускас), беларуска-летувіскі заолаг, педагог.

5 чэрвеня

Міжнародны дзень аховы навакольнага асяроддзя.

7 чэрвеня

195 гадоў  таму (1825) – У мястэчку Тургелі (цяпер Летува) нарадзіўся Эдвард Паўловіч, мемуарыст, мастак, асьветнік. Дзяцінства правёў на Наваградчыне. Вучыўся пры базыльянскім кляштары ў Жыровічах, Слоніме. Значны час жыў і дзеіў у Наваградку

140 гадоў таму (1880) – У маёнтку Лябёдка (Шчучынскі р-н) нарадзіўся Вацлаў Іваноўскі, беларускі грамадзка-палітычны дзеяч, адзін з ствараньнікаў Беларускай сацыялістычнай Грамады, асьветнік, выдавец, міністар асьветы ў Радзе БНР, бурмістар Менска (1941-43).

8 чэрвеня

155 гадоў таму (1865) - У в. Кямейшы (Вараноўскі р-н) нарадзіўся Мацей Сулькевіч, вайсковы начальнік, дзеяч татарскага нацыянальнага руху ў Крыме.

125 гадоў таму (1895) – У в. Погіры (Дзятлаўскі р-н) нарадзіўся Ігнат Дварчанін, беларускі грамадзка-культурны дзеяч, літаратуразнавец, паэт, педагог.

9 чэрвеня

105 гадоў таму (1915) – У в. Клімавічы (Лідзкі р-н) нарадзілася Людміла Жамойціна (па мужу-Янкоўская), беларуская настаўніца, у 1939-41 працавала ў Лідзе, пасьля вайны ў эміграцыі (Польшча).

30 гадоў таму (1990) – У Кушлянах (Смаргонскі р-н) пасьля аднаўленьня будынкаў адчынены літаратурна-мемарыяльны музей Францішка Багушэвіча.

10 чэрвеня

90 гадоў таму (1930) – У Гародні адкрыты першы ў горадзе аўтобусны маршрут – “Чыгуначны вакзал – станцыя Ласосна”.

12 чэрвеня

125 гадоў таму (1895) – У фальварку Кур’янаўшчына (Лагойскі р-н) нарадзіўся Леапольд Родзевіч (загінуў пасьля 1938 г. у савецкім канцлагеры), беларускі палітычны і грамадзкі дзеяч, драматург, публіцыст, паэт. У 1924-25 гадах жыў у Гародні.

14 чэрвеня

120 гадоў таму (1900) – У в. Несьцяровічы (Сьвіслацкі р-н) нарадзіўся Міхась Забэйда-Суміцкі, беларускі сьпявак, педагог, дзеяч эміграцыі.

85 гадоў таму (1935) – У Масалянах (Бераставіцкі р-н) нарадзіўся Іван Летка, беларускі паэт. Памёр у Маскве ў 1999 г.

16 чэрвеня

65 гадоў таму (1955) – У Нью Ёрку памёр Васіль Рагуля, беларускі грамадзка-культурны дзеяч, пасол польскага сойму, педагог, дзеяч беларускай эміграцыі (Нямеччына, Бельгія, ЗША).

18 чэрвеня

90 гадоў таму (1930) – У в. Падбараны (Мастоўскі р-н) нарадзіўся Яўген Петрашэвіч, беларускі музычны педагог, кампазітар, аўтар шматлікіх песень.

20 чэрвеня

95 гадоў таму (1925) – У в. Белевічы (Смургонскі р-н) нарадзіўся Янка Сурвіла, беларускі грамадзкі, культурны дзеяч, эмігрант (Нямеччына, Гішпанія, Канада).

15 гадоў таму (2005) – Памерла Аляксандра Бергман, беларуская дзяячка КПЗБ, дасьледніца гісторыі, вязьніца савецкіх канцлагераў.

24 чэрвеня

90 гадоў таму (1930) – У Гародні ў кавярні-цукерні Іосіфа Катоўскага (вуліца Дамініканская) устаноўлены першы ў горадзе тэлефон-аўтамат.

25 чэрвеня

360 гадоў таму (1660) – Адбыліся бітвы войскаў Рэчы Паспалітай з расейцамі пад Зэльвай, Галынкай, Дзярэчынам.

335 гадоў таму (1685) – Мястэчка Астрына (Шчучынскі р-н) атрымала гарадзкія правы.

180 гадоў таму (1840) – Расейскай імпэрыяй было спынена дзеяньне Статута ВКЛ 1588 у Гарадзенскай, Віленскай і Менскай губернях.

27 чэрвеня

95 гадоў таму (1925) – У в. Нізок (Узьдзенскі р-н) нарадзілася Лідзія Арабей, беларуская пісьменьніца.

28 чэрвеня

30 гадоў таму (1990) – У Гародні ў палацы “Юнацтва” выступіў танцавальны ансамбль беларусаў-эмігрантаў з ЗША “Васілёк”.

29 чэрвеня

580 гадоў таму (1440) – Вялікім князем ВКЛ быў абраны Казімер IV Ягелончык, малодшы сын Ягайлы і Соф’і Гальшанскай.

95 гадоў таму (1925) – У Менску нарадзіўся Юры Астроўскі, беларускі біяхімік, акадэмік, грамадзкі дзеяч. Жыў і працаваў у Гародні з 1959 г.

80 гадоў таму (1940) – Дэпартацыя з тэрыторыі Заходняй Беларусі бежанцаў.