Навіны

Гародня: cтворана старонка дапамогі страйкуючым і рэпрэсаваным

Гарадзенскімі праграмістамі створана старонка дапамогі страйкуючым ды рэпрэсаваным –  рэгіянальны праект Grodno Help.

Распавядае адзін са стваральнікаў пляцоўкі Глеб Койпіш.

– Пабачыў у Фэйсбуку, Васіль Іварчук, ён уваходзіў у тым ліку і ў Каардынацыйную раду, вырашыў сабраць айцішнікаў. Мы сабраліся суполкай, досыць вялікай, там было некалькі дзясяткаў чалавек. І падумалі, што рабіць. Была ідэя стварыць сайт дапамогі. Але перш за ўсё для страйкоўцаў, для тых, што зараз страйкуе, альбо збіраюцца, альбо згубілі працу за сваю пазіцыю. І ў нас утварылася досыць вялікая суполка.

На думку Глеба Койпіша, такая ініцыятыва стваралася невялікай групай гарадзенцаў.

– На гэтым праекце, напэўна, чалавек 20. Але паколькі трэба было зрабіць хутка, і мы гэта зрабілі цалкам, з улікам збору кантэнту, за тры дні. Насамрэч мы вырашылі выкарыстоўваць канструктар. Таму зрабілі хутка. І ў гэтым праекце ўдзельнічалі шэсць чалавек.

На старонцы ёсць падрабязная інструкцыя, што рабіць, калі працоўныя хочуць арганізаваць страйк, а таксама ўказаныя адрэсы, куды звяртацца, калі згубіце працу і да каго – па юрыдычныя парады, калі хочуць звольніць.  

  Беларускае Радыё Рацыя

Фота Сяргея Апановіча

Чытай больш на: https://www.racyja.com/hramadstva/garodnya-ctvorana-staronka-dapamogi-st/

03.09.2020
Крыніца: Беларускае Радыё Рацыя

Відэа

праваабарончыя сайты