Навіны

Абарона Вітольда Ашурка абскардзіла прысуд

Адвакат гарадзенскага абласнога каардынатара руху „За Свабоду” Вітольда Ашурка абскардзіла прысуд, паведаміў брат актывіста Андрэй Ашурак.

Апеляцыйная скарга пададзеная ў Гарадзенскі абласны суд. Паводле слоў Андрэя Ашурка, брат пераведзены ў Гародню, у турму № 1. „Фізічны стан Вітольда нармальны, настрой бадзёры”, — адзначыў ён, але выказаў асцярогу, што брата можа турбаваць артэрыяльны пратэз у назе.
Андрэй Ашурак сумняваецца, што прысуд будзе перагледжаны: „Хіба што замест пяці гадоў дадуць сем. Гэта ж палітычная справа. Калі б гэта было рабаванне, знайшлі б змякчальныя абставіны. А ў Вітольда ў руках быў мегафон”.
18 студзеня суд Лідскага раёна (Гарадзенская вобласць) прыгаварыў Вітольда Ашурка да пяці гадоў пазбаўлення волі ў калоніі агульнага рэжыму. Яго прызналі вінаватым у арганізацыі дзеянняў, якія груба парушаюць грамадскі парадак (ч. 1 арт. 342 Крымінальнага кодэкса) і нападзе на міліцыята (арт. 364 КК). Яго паплечнікі заявілі аб палітычнай падаплёцы справы.
Падтрымаць Вітольда Ашурка ў суд прыйшло каля 70 чалавек, яны сустрэлі прыгавор воклічамі „Ганьба!” і „Жыве Беларусь!”. Па факце паводзін у зале суда распачатая справа па ч. 2 арт. 339 КК (хуліганства, учыненае групай асоб). Падазраваным па ёй праходзіць, у прыватнасці, журналіст Юрый Дзяшук.


Архіў

Красавік 2021
1234
567891011
12131415161718
19202122232425
2627282930

Відэа

праваабарончыя сайты