Навіны
На ўстаноўчай канферэнцыі Лігі студэнцкіх аб’яднанняў затрымана больш за 20 чалавек
На ўстаноўчай канферэнцыі незалежнага прафсаюза «Ліга студэнцкіх аб’яднанняў» затрыманы больш за 20 чалавек, вынікае з дадзеных праваабаронцаў і валанцёрскага телеграм-канала «Спісы затрыманых».
Мерапрыемства было арганізавана ў менскім бізнес-клубе «Імагуру». Сярод затрыманых палітолаг Андрэй Ягораў, сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі, кіраўнік менскай гарадской арганізацыі Свабоднага прафсаюза Беларускага Марыя Тарадзецкая, выканаўчы дырэктар Інстытута дэмакратыі і сацыяльнага рынку ў Беларусі і Усходняй Еўропе Дзмітрый Кухлей, адзін з лідараў прафсаюзнага руху Генадзь Быкаў.
«Ні для каго не навіна, што прававы дэфолт у Беларусі дзейнічае з дня фальшывых выбараў. Затрыманыя ўдзельнікі і госці афіцыйнага прафсаюзнага мерапрыемства – устаноўчага з’езда галіновай арганізацыі Свабоднага прафсаюза – студэнцкага аб’яднання СПБ. Умяшальніцтва ў дзейнасць прафсаюзаў забаронена законам і канвенцыямі МАП. Улады дэманстратыўна топчуць і нацыянальнае, і міжнароднае права. Гэта шлях да разбурэння дзяржавы», – заявіў старшыня СПБ Мікалай Шарах, якога цытуе аргкамітэт БХД.
Беларускае Радыё Рацыя
Чытай больш на: https://www.racyja.com/hramadstva/na-ustanouchaj-kanferentsyi-ligi-stude/
